Movt čađahuvvo Dembra?

Skuvla sáhttá searvat Dembrai modealla bokte mas deaivvadit Dembra-bagadalliin gii galleda skuvlla ja fállá veahki. Debmra sáhttá maid čađahuvvot neahta bokte bagadallamiin juogo E-boastta bokte dahje telefovnna bokte. Loga eanet dás vuollelis dán guovtti modealla birra.

 

Dembra čoagganemiid bokte

Dembra čađahuvvo čoagganemiid bokte iešguđetge regionála institušuvnnain: HL-senteret Østlandas, Raftostiftelsen Vestlandas, Falstadsenteret gaska-Norggas, ARKIVET Freds- og menneskerettighetssenter Sørlandas, Nansen Fredssenter Innlandet:s ja Narviksenteret davvi-Norggas.

Juohke čađaheapmái servet guovttis viđa skuvlla rádjái buohtalagaid, ovtta skuvlajagi. Juohke skuvla vuođđuda báikkálaš bargojoavkku Dembrai, oktan ovttain jođihangottis. Dembra-joavku koordinere skuvlla vuoruheami ja skuvla oažžu skuvlejumi resursaolbmuin namuhuvvon olggobeale institušuvnnain. Resursaolbmot galledit maid skuvllaid lágideami dihte kurssaid bargiide áigeguovdilis fáttáid birra.

 

Čađaheapmi neahta bokte

Čađaheami bagadus dembra.no:s addá skuvllaide miehtá riika vejolašvuođa čađahit báikkálaš vuoruhemiid, ja oažžut dasa bagadallama neahta bokte.

Váldde oktavuođa

Jus áiggut eanet dieđuid searvama birra Dembrai, de váldde oktavuođa minguin ja registrere skuvlla ruoná fealtta sadjái mii lea dás vuolimusas dahje sádde E-boastta njuolga bagadalliide regionála guovddážiin (Dembra-bagadallit). Go registrerebehtet skuvlla, de boahtit mii váldit oktavuođa dinguin. Mii boahtit áinnas maid galledit skuvllaid gullandihte skuvlla dárbbuid birra ja muitalit eanet maid oassálastin Dembrai mielddisbuktá.

Čađaheapmi

Čađaheapmi galggašii bistit unnimusat ovtta skuvlajagi, muhto skuvla heiveha ieš dán iežas aktivitehtaide mat skuvllas muđui leat. Geahča eanet skuvlla ovdánahttinproseassa birra Dembra-čađaheami oktavuođas din skuvllas dás: Čađaheapmi

Skuvlii lea Dembra leamaš dehálaš vai nákce buoridit miellaguoddobarggu mii juo lea doaimmas dáppe. Dat lea addán midjiide ođđa jurddašanvugiid ja reaidduid dustet ja hástalit ohppiid reflekteret ja digaštallat. Dembra lea mielddisbuktán ođđa dihtomielalašvuođa dán barggu mearkkašupmái. (Løkenåsen skuvla, Searvvai Dembrai 2014, Benjamin-bálkkašumi vuoiti 2016)