Dát siiddut leat dutnje gii leat oahpaheaddji, jođiheaddji dahje studeanta oahpaheaddjioahppobáikkis. Siidduin leat lohkamušat ja resurssat mat sáhttet veahkehit ovdánahttit profešuvdnagelbbolašvuođa deaividemiin ovdagáttuiguin, vealahemiin ja joavkovašolašvuođaiguin.
Dán profešuvdnagelbbolašvuhtii gullá buot mii sáhttá ráhkkanahttit oahpaheddjiid/ studeanttaid fuomášit, meannudit ja eastadit. Dása gullet pedagogalaš, profešuvdnaehtalaš ja didaktihkalaš perspektiivvat. Siiddut galget veahkehit šaddat dihtomielalažžan ja ovddidit muhtin konkrehta bargovugiid mat leat geahččaluvvon oahpaheaddjioahppobáikkiin Norggas ja riikkaidgaskasaččat. Viidáset galget siiddut veahkehit buvttadit buori oktavuođa gaskkal fágalaš/fágaidrasttildeaddji oahpahusa ja searvadahtti oahppanbirrasa barggu, nu go lea deattuhuvvon fágaođasmahttimis.
Siiddut čohkkejit resurssaid dutnje gii leat pedagoga ja gaskavuođahuksejeaddji, gii oahpahat iežat fágas ja fágaidrasttildeaddji ovttasbarggus, bargoustibin ja oassin oahpahalli profešuvdnasearvevuođas. Siiddut leat ráhkaduvvon doarjundihti du gii leat oahpaheaddji/ studeanta, ja dat galget veahkehit du hábmet ja geavahit iežat doaibmanvejolašvuođa skuvlla institušuvnnalaš ja servodatrámmaid siskkobealde.
Čuovvovaš prográmmat/ fágat leat ovddastuvvon Dembra LU 2020/2021:s:
Luonddufága: fysiologiija, biologiija, kemiija, luonddudieđadidaktihkka |
|||
| guoddevaš ovdáneapmi | |||
| lášmmohallan | |||
| dárogiella | |||
| oskkupedagogihkka | |||
| servodatfága | |||
| historjá | |||
| historie | |||
| eaŋgalasgiella | |||
| NORINT/dárogiella nubbingiellan | |||
| Máŋggakultuvrrat pedagogihkka, riikkaidgaskasašdahkan ja olgoriikapraksis |
